ਕੰਵਲਜੀਤ ਸਿੰਘ ਚਾਨੀਆਂ
ਅਸੀਂ ਪਰਦੇਸੀ ਆਏਂ ਨੀ ਮਾਏਂ, ਅਸੀਂ ਪਰਦੇਸੀ ਆਏ
ਅਸੀਂ ਪਰਦੇਸੀ ਆਏਂ ਨੀ ਮਾਏਂ, ਅਸੀਂ ਪਰਦੇਸੀ ਆਏ
ਪਿੰਡ ਤੇਰੇ ਵਿਚ ਜਾ ਕੇ, ਛਮ- ਛਮ ਨੀਰ ਵਹਾਏ
ਤੇਰੇ ਪਿੰਡ ਦੇ ਰੀਤ ਰਿਵਾਜਾਂ,
ਦੇ ਕਲਮਾਂ ਪੜਨ ਨਿਵਾਜਾ
ਕੇਹੇ ਢੋੰਗ ਰਚਾਏ -ਨੀ ਮਾਏਂ ਅਸੀਂ ਪਰਦੇਸੀ ਆਏ-
ਤੇਰੇ ਪਿੰਡਾਂ ਦੀਆਂ ਕੇਹੀਆਂ ਗਲੀਆਂ
ਪ੍ਰਕਰਮਾਂ ਕਰਦੇ ਘਸੀਆਂ ਤਲੀਆਂ
ਸਾਨੂੰ ਨਾ ਏ ਭਾਏ-ਨੀ ਮਾਏਂ ਅਸੀਂ ਪਰਦੇਸੀ ਆਏ
ਤੇਰੇ ਪਿੰਡ ਦੀਆਂ ਵਾਟਾਂ ਲੰਮੀਆਂ
ਚਾਰੇ ਪਾਸੇ ਛਾਈਆਂ ਗਮੀਆਂ
ਝੋਰਾ ਦਿਲ ਨੂੰ ਖਾਏ -ਨੀ ਮਾਏਂ ਅਸੀਂ ਪਰਦੇਸੀ ਆਏ
ਤੇਰੇ ਪਿੰਡ ਦੇ ਲੋਕ ਨਿਭਾਗੇ |
ਸਾਰੇ ਸੁਤੇ “ਚਾਨੀ ’’ਜਾਗੇ |
ਕਿਸ ਨੂੰ ਦਰਦ ਸੁਣਾਏ -ਨੀ ਮਾਏਂ ਅਸੀਂ ਪਰਦੇਸੀ ਆਏ
No comments:
Post a Comment